እንኳን ወደ ማዕከላዊ ኢትዮጵያ ክል መንግስት ፕላንና ልማት ቢሮ ኦፊሴላዊ ድህረ ገጽ በደህና መጡ! የማዕከላዊ ኢትዮጵያ ክልል መንግስት ፕላንና ልማት ቢሮ የማዕከላዊ ኢትዮጵያ ክልላዊ መንግስት በአዲስ መልክ ሲቋቋም የክልሉን አስፈፃሚ አካላትን ስልጠንና ተግባር ለመወሰን በክልል ምክር ቤት በወጣው አዋጅ ቁጥር 199/2015 መሠረት ከተቋቋሙ የክልል ተቋማት አንዱ ነው፡፡

ቢሮው የክልሉን መንግስት የረጅም፣የመካከለኛና የአጭር ጊዜ ዕቅዶችን በማዘጋጀት እና ዕቅዶቹን ለማዘጋጀት የሚረዱ የኢኮኖሚ ጥናቶችን እና ምርምር በማካሄደ፣ አፈጻጸምን ለመለካት ኢኮኖሚዊ እና ማህበራዊ አመልካቾችን በማዘጋጀት እና አጠቃላይ የኢኮኖሚ፣ የማህበራዊ እና የቴክኖሎጂ ልማት ማዕቀፎችን በመፍጠር እና በመተግበር ረገድ ትልቅ ሚና ይጫወታል፡፡ 

በዚህ ድህረ ገጽ ላይ ስለ ክልላዊ የልማት እና የመልካም አስተዳደር እና የመልካም አስተዳደር ዕቅዶች፣ የአፈጻጸም ሪፖርቶች፣ እንዲሁም የፕሮጀክት ዕቅዶች እና የአፈጻጸም ሁኔታ ወቅታዊ እና የተገመገሙ መረጃዎችን ያገኛሉ፡፡ እንዲሁም በክልሉ ውስጥ ያሉትን የአስተዳደር ደረጃዎች ካርታዎች፣ የክልሉን ማህበራዊ ኢኮኖሚያዊ ልማት ስርጭት፣ የክልሉን የኢኮኖሚ፣ የማህበራዊና መልክአ ምድራዊና የክልሉን ሙሉ መገለጫ እና የክልሉ የታችኛው የአስተዳደር ዕርከን ዓመታዊ የሀብት(በጀት) ማከፋፈያ ቀመር ለማዘጋጀት ጥቅም ላይ የዋሉ መረጃዎችን ያገኛሉ፤

ስለ ክልላዊ ጠቅላላ የምርት እድገት መጠን፣ በኢኮኖሚ ዘርፎች የተጨመረውን እሴት መጠን እና ከጠቅላላ ምርት ድርሻ ጋር የተያያዙ መረጃዎችን ያገኛሉ፡፡ ክልላዊ ዕቅድ እና ሪፖርቶች የአሠራር ደንቦችን እና መመሪያዎችን እንዲሁም የስነ ህዝብ ጥናቶችን እና ተያያዥ ወቅታዊ መረጃዎችን ለእርስዎ ለማቅረብ ዝግጁ ነን፡፡ ስለዚህ ድህረ ገጻችንን እንዲጎበኙ እና የሰጠነውን መረጃ እንዲያገኙ እንጋብዝዎታለን፡፡ስለ ይዘቱ እና ስለ ድህረ ገጹ ለሰጡን አስተያየት እናመሰግናለን፡፡ 

አቶ ዳንኤል ዳምጠው አንጭሶ

 የቢሮ ኃላፊ